|
| SPSS呢個兩日course真係堅正呀~原本只係諗住搵d野攝下時間,又見呢個SPSS軟
件同我最鐘意既research有關,所以先走去參加,但得到既實在遠超我既期望~~ 係呢到真係唔可唔讚下導師兼大師兄陶兆銘博士,講課深入淺出,條理分明,係複雜既
理論同埋相對簡單既軟件應用之間拎左個好好既平衡,等我地明白點去用既SPSS同埋
都學到相應理論。 上完呢個course,對於research呢樣野又了解深入左,而且學完SPSS之後,亦總算具備
最基本既條件去真真正正做一個research喇~~呢個course實在係對於sem2 既research課程
一個極佳既補充~ 一直都好想讀更多同research有關既科,可惜係swk既major入面已經冇晒喇...今日有同學
講,覺得spss其實應該列為必修內容,個人亦不無同感,只係research呢一科...其實係swk同學心目中都唔太重要,而且佢既學習方法同其他科差太遠喇...難怪好多人都唔多鐘意~~ 所以好希望日後都有呢類興趣course!!!俾到機會我地去學野又冇考試既壓力!!!~ 係開學前可以上一個咁既課程實在太好太開心喇!!!!可以點燃起學習既熱情!!! 之後都要繼續研究點用SPSS先得!!仲有仲有點先可以做更好既research,要點去諗同埋點去論證!!!仲有仲有...總之仲有好多野~XDD | | |
| 呢日真係促進香港消費喇... 今日既冇schedule左既約會同埋工作,亦冇打算去運動,心血來潮想去
買兩樣想買左好耐既野,就係新printer同埋外置hard-disk,結果終於得
償所願買到呢兩樣野喇,但就大出血用左成千六蚊... printer買左部laserjet 三合一,之後印notes應該都係係返屋企印會抵d喇
~而且仲可以影印同scan,應該都係可以貴買平用既!!!不過千祈唔好咁
快又壞呀!!!!laserjet suppose應該唔會咁易壞架，不過將佢由黃金抬返
屋企真係累到high high>.< 外置harddisk原本打算係8月尾電腦節先買...不過因為o-camp關係都等
唔到喇,為左節省成本,聽左個FD既提議唔直接買成個外置harddisk而係
DIY買個2.5"既harddisk自己裝落去,咁樣既做法粗略估計比直接買平幾
十蚊~而且可以拆出黎裝入電腦當HARDDISK用~其實真係抵玩~ SEGATE 320 GB 5400轉 ($420) + 不知名外置HARDDISK盒 ($49) = 用到既外置HARDDISK ($469)
如果買D相對有名氣既牌子,320 GB要$500以上~~今次平幾十蚊但質量都
有保證,其實真係幾抵玩~有興趣買外置harddisk既朋友可以考慮下呢個方法。 今日作出咁大既投資，又唔知要到幾時先回到本喇！呢期d消費太驚人喇
，黎緊要點先可以慳d呢...真係煩死喇>.< | | |
| 今日下晝竟然可以的起心肝去跑~~真係我自己都估自己唔到~XDD 真係好耐冇跑喇,加埋天氣又熱,一如所料無論跑既距離同時間都
比之前慢好多,跑左8k都已經要59:47,比以前慢左頗多下...雖然天氣
熱係一個重要因素...不過可能我既體能真係下降左>.< 得閒要再練練先得喇!!!唔係的話係出年馬拉松係一個鐘內跑完10k
既目標真係凍過水喇... 得閒要繼續練水加跑步!!一定要練好體能去衝擊中超&馬拉松!!! | | |
| pre-camp完左lu，呢個camp真係一個勁難忘既經歷，上o-camp呢枝莊應該都係我呢
年黎最正確同埋最引以為傲既一個決定!! 多謝行政同埋宣出既朋友仔，同你地一
齊合作係我最大既榮幸，亦非常多謝其他部既OEC，可以同你地共事係，一齊出力既
感受我會銘記於心。 仲有多謝所有願意聽我呻同埋願意關心我、真心分享我既喜與憂既朋友。因為有你地，我先可以咁放膽去面對同表達自己，你地每一個簡單既關心其實俾到莫大既鼓舞我。所以，各位朋友仔，如果可以既話,希望你地唔好吝嗇對身邊既人一句簡單的關心話好嗎?我相信語言的威力，更深信關懷的溫暖足以融化人心的孤獨。 當然唔少得多謝pro飛既組爸媽，可以入到呢組真係my pleasure，亦好多謝你地咁盡力去攪起個氣氛，同埋好多謝你地邀請我一齊去書展^^我都一定會繼續努力，盡力將pro飛精神發揚光大，將歡樂帶俾每個組員。 「曾經有人說，世上有許多事情並非人所能控制，更絕非人的意志所能改變，但我深信
意志縱然並非萬能，但失去意志卻萬萬不能。 意志力之不同於知識和學問，在於其不能透過學習和訓練提升。只有一個又一個痛苦
的考驗和磨練才可以使我們更堅強的面對挫折和失敗，意志力就是這樣的一個標記。
意志力，就是克服傷痛的過去及面對自我掙扎中的結晶，縱美麗，卻可能很脆弱
，縱不起眼，卻可能隱藏著最大的力量。 無論如何，我希望有更強大的意志力，昨日和今日的傷痛，我一定要把你們鍊成為
明日的我意志中的一部分！」 | | |
| swk year 1 男子組組聚@九龍灣 - 我們都是雄糾兵 一個講同埋諗左好耐 ，但一直未能付諸實行既活動。終於可以係今日15/7
攪成喇，人雖然唔齊，但一大班男仔一齊玩同笑既時光我真係久違喇。 首先係碌ling，一個我好似係一個月內玩過三次既活動，但同唔同既群體去,亦
總有唔同既體驗，活動係玩到有d悶，但同朋友相處永遠唔會悶。今日可以同
一班識左一年，但從未如此近距離接觸的同學一齊玩，真係除左爽之外都唔
知可以點形容(詞窮>.<)，美中不足當然係有部分同學黎唔到，希望日後既聚會
更人齊。 夜晚得返Brian，Daniel同我去食飯～食左可能係好多人心目中頹到冇得再頹既大
家樂，不過既然大家都歡樂，又有咩所謂？？ 最攪笑係之後一齊去冒險樂園玩射籃球機，城堡士兵（差ｄ破紀錄喇！）同埋夾
公仔，大家都可以重拾童真，又盡顯kai既一面，真係盡興而歸啦！ 回程既時候忽發奇想想幫男子組改個名，又忽然諗起雄糾兵，呢個名當然唔係我原
創啦～不過諗起又好似幾適合，不如我地男子組以後就叫雄糾兵啦！！ 下次男子聚組聚要去打羽毛球呀，運動多ｄ呀雄糾兵！！ 享受一班大男孩一齊玩、一齊吹水既日子，雄糾兵加油呀！！ | | |
|
